Wanqashii gobolka HAWD, Xasuustii Halgankii Xoreynta, iyo masraxiyaddii Hobollada.

Baligubadle-(HWN)-Xaflad si weyn loo soo Agaasimay oo loogu wanqalayay gobolka cusub ee HAWD ayaa maanta lagu qabtay xarunta gobolkaasi ee magaalada Baligubadle. Munaasibadan oo ahayd mid aan dhigeeda hore loo arag ayaa waxa ka soo qayb galay wafti culus oo uu hogaaminayo Madaxweyne ku xigeenka Jamhuuriyadda Somaliland Md. Axmed Yuusuf Yaasiin, Guudoomiya Golaha Wakiilada, Abdirahmaan Ciro, Gudoomiyaha Xisbiga UCID Eng. Faysal Cali Waraabe, Gudoomiye-ku-xigeenka koowaad ee Xisbiga KULMIYE ahna ku simaha gudoomiyaha Xisbiga KULMIE Md. Muuse Biixi Cabdi iyo kudhawaad 48 xubnood oo isugu jira madax dhaqameedyo, salaadiin, boqorro iyo cuqaal ka kala socotay dhamaan beelaha gobollada Somaliland iyo killilka 5aad ee soomaalida Itoobiya. Xafladdan oo qabanqaabadeeda laga dareemayay guud ahaanba Somaliland gaar ahaana Caasimada dalka ee Hargeysa ayaa waxa intii aanu barnaamijka wanqashu bilaabmin madasha ku soo bandhigay fanaaniinta qaranka bandhig masraxeed ka turjumaya qiimaha xaflada iyo taariikhda lama ilaawaanka ah ee caasimada gobolka HAWD ee baligubadle.
 
Gobolka Hawad kusoo dhawaada 
 

Hobolladan oo ay horkacayeen xulka fanaaniinta qaranka sida fanaanka Caanka ah ee Basbaas, fanaanada Canab diiriye, iyo jilaaga weyn ee Cabdi-falaash,barnaamijyada qiimaha leh ee ay halkaa ku soo bandhigeen waxay ku ahayd qof aan meesha joogin sheeko. Goobtu waa meel waqooyi bari ka xigta magaalada Baligubadle isla markaana ah beer-roobaad doogu hadheeyay waxa ku sugnaa dadweyne aan tiradeeda la qiyaasi Karin oo isaga kala yimi guud ahaanba gobolada dalka iyo killilka shanaad ee wadanka aynu jaarka nahay ee Itoobiya. : ‘ maanta waxaan xasuustay maalintii aaskii Madaxweynaheenii Marxuum Cigaal, tirada dadka aan arkay iyo baaxadooda’ sidaa waxa yidhi Suldaan Axmed Nuur Samaale oo ka mid ah salaadiinta waaweyn ee Somaliland. Dhinaca kale waxaan la ilaawi Karin hab-maamuuska, ixtiraamka iyo qadarintii ay muujiyeen guddidii qabqaabada munaasibada oo ahaa kuwo loo bogay hab-soo dhawayntoodii. 
  
Ereyga qudha ee martidu ka sinayd madax iyo mijoba ayaa ahaa baligubadle waa hooyadda gobonimada Somaliland, sidaa darted way u qalantaa in gobol iyo wax ka weynba la siiyo. Muj. Muuse Biixi Cabdi oo kamid ahaa madaxdii madasha ka hadashay ayaa isagu dareen ahaan jawigiisu ka gadisnaa madaxda kale isagoo ka sheekeeyay taariikhdii magaaladan, ayaa shucuurtiisu taagnayd sidii maalintii xorriyada aynu la soo noqonayn oo kale.

Halyayada qaaliga ahi

Halkay isku aamineen

Hubkoodana ay dhigteen

Gobolka Hawdoow hambalyo

Horaad u jirtee hambalyo

Waan kuu hanweynee hambalyo

Hambalyo……..hambalyo……….

Midhahaasi waxay kamid ahaayeen heesihii ay ku luuqaynayeen fanaanniinta qaranku, iyadoo markay dadweynuhu ereyadaa dhegahooda ku soo dhaceen ay mar qudha fadhiga ka wada kaceen oo ay jiibtu iyo sacabku is oogsatay.

Baligubadle, Hawd, Somaliland.
Source:  Hadhwanaagnews

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: