Ciidamo gaadhaya 300 oo askari oo kasoo galaya Puntland oo hadda ku sugan magaalada Laascaanood

S/land.no 21.06.08, Waxaa kaasoo galay maamul Goboleedka Puntland ee Somalia ciidamo gaadhaya 300 oo askari kuwaas oo ku sugnaa magaalada Tukaraq oo ah halka ugu soo horaysa ciidamada maamul Goboleedka Puntland iyo waliba kuwo maleeshiyo Beeleed ah oo ku sugnaa halkaasi muddo dhawr bilood ah.
Ciidamadan ayaa dhamaantood waxa ay kasoo jeedaan Gobolada SSC waxaana ay horay ugu jireen ciidamada maamul Goboleedka Puntland ee ku sugan magaalada Tukaraq waxaana ay magaalada Laascaanood soo galeen habeenimadii xalay halkaas oo ay kusoo dhaweeyeen masuuliyiinta Gobolka iyo saraakiisha ciidamada ee ku sugan Gobolka Sool.

Gudoomiye kuxigeenka Gobolka Sool ahna siihaya xilka Gudoomiyenimada Gobolka Maxamed Faaraxa Indho buur oo u waramayay shabakada afnugaal ayaa waxa uu u xaqiijiyay in ay maanta ay la kulmeen ciidamo gaadahya 300 oo askari kuwaas oo dhamaantood kasoo jeeda Gobolada SSC hadda noqon doona kuna biiri doonaan ciidamada qaranka ee Somaliland.

Xaflad lagu soo dhawaynayay ciidamadan oo ahaa labo qaybood ayaa waxa ay ka kala dhacday guriga Guulwadayaasha ee magalada Laascaanood iyo halka lagu magacaabo Dabaqii C/rashiid ee dhanka Galbeed ee magaalada waxaana halkaasi hadalo kala duwan kasoo jeediyay masuuliyiinta Gobolka iyo saraakiisha Somaliland uuna kamid ahaa Cismaan afdhiilo.

Gudoomiyaha oo halkaasi hadal kasoo jeediyay ayaa waxa uu yiri ‘ hadda waxaad kamid tihiin ciidamada qalabka sida ee Somaliland horayna waxaad u ahaydeen dad khaldan oo aan dantooda garanayn laakiinse waad kasoo noqoteen waxaadna kusoo laabateen dalkiinii iyo ciidiinii waxaadna hadda wixii ka danbeeyaya lamid noqon doontaan ciidamada Somaliland’

Hadaba ciidamadan maanta ay xaflada u sameeyeen masuuliyiinta Gobolka Sool iyo saraakiisha Somaliland ee ku sugan aaga Gobolka ayaa waxa ay ku wareejiyeen ciidamadan hadda soo gaadhay magalada Laascaanood kana soo goostay Puntland Saldhiga 7aad ee ciidanka Mahad Canbaashe halkaas oo ay ka tirsanaan doonaan.

 

Afnugaal News Desk
 

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: