MAC’HADKA DIMUQRAADIYADDA CAALAMKA (International Republican Institute) OO MARKII UGU HOREYSAY XAFIIS KA FURTAY HARGEYSA SOMALILAND

Mac’hadka Dumuqraadiyadda Caalamka [International Republic Inistuite] ayaa markii ugu horaysay caawa si rasmi ah xafiis uga furtay caasimadda Somaliland ee Hargeysa. Mac’hadkan ka shaqeeya horumarinta dumuqraadiyadda kana hawl gala wadamo badan oo caalamka ka mid ah waxaa xaflad loo qabtay xafiiskiisa cusub ka qayb galay, Shir-gudoonka Golaha Wakiiladda Somaliland, Xubno ka tirsan Golaha Wasiiradda, Masuuliyiin ka socday Sadexda Xisbi Qaran, Madaxda Hay’addaha Caalamiga ah ee ka Hawl gala Somaliland, qaybo ka mid ah ururadda bulshadda iyo Marti sharaf kala duwan.  

Hargeysa, (sl.no), 20 june 2008  –

Gudoomiyaha Golaha Wakiiladda Somaliland Md. C/raxmaan Maxamed C/laahi Cirro oo ugu horayn halkaa ka hadlay ayaa sheegay inay Somaliland fursad u tahay Hay’add caalamiya oo ka socota dalka Maraykanku inay Xafiis ka furato, waxaanu u soo jeediyay Hay’addaha kale Maraykanka ee daneeya Dimuqraadiyadu inay Somaliland ka furtaan Xafiisyo, si ay u arkaan horumarka dimuqraadiyadeed ee Somaliland ka hana qaaday.

Agaasimaha goboleedka Geeska Africa u qaabilsan Hay’adda [IRI] Mr. Ted Levassiur, ayaa sheegay inay Somaliland kala shaqaynayaan adkaynka dimuqraadiyadda ka hirgashay, isla markaana ay si gaar ah u dhiiri galinayaan ka qayb qaadashadda siyaasadda ee Haweenka, Dhalinyaradda iyo dadka laga tiradda badan yahay si ay ugu hirtaan hanka Hogaaminta dalka.

Masuuliyiin kala duwan oo iyaguna u hadlay sadexda Xisbi Qaran iyo Gudoomiyaha Ururka Dhalinyarada Somaliland ee [SONYO] oo munaasibadda furitaanka xafiiskan ka hadlay, ayaa dhaamtood iska daba maray, sida ay u soo dhawaynayaan Xafiiskan cusub ee Mac’hadka Horumarinta Dimuqraadiyada u qaabilsan dalka Maraykanku ka furteen Somaliland, isla markanaa waxay Masuuliyiintaasi tilmaameen in uu noqonayo mid albaabo cusub u fura Xidhiidh wanaagsan oo beesha caalamka gaar ahaan kuwa dimuqraadiyadda daneeya iyo Somaliland yeeshaan Mustaqbalka. Harowo.com

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: