WADADII ALLAYBADAY IYO ARABSIYO ISKU XIDHAYSAY OO HAWL SHAQO AY KA WADDO HAAYADA HALLO TRUST, ALLAYBADAY


Munaasibad balaadhan oo ay ka soo qa yb galeen Masuuliyiinta Degmada Allaybaday, Salaadiin, Maamulka iyo Odayaasha Arabsiyo ayaa shalay lagu qabtay Magaalada Arabsiyo, Munaasibadan oo ahayd Munaasibad loo qabtay siddii loo banyany lahaa Wadadii isku xidhaysay Allaybaday iyo Arabsiyo, hadaba waddan oo ahayd waddo qadiimiya ayaa ahayd waddo isku xidha min oogo ilaa waqooyi, taasi oo ahayd mid ay mari jireen xoolo dhaqatadu mararka ay doonanayaa Daaqa iyo biyahaba, dhanka kalena ahayd  waddo halbowle u ah isku xidhka   magaalada Allaybaday iyo magaalada Arabsiyo iyo dalka intiisa kaleba,

Hadaba waddan oo xidhnayd muddo 24 sano ah ayaa waxa xidhitaankeeda sobob u ahaa taliskii Maxamed siyaad bare, kadib markii ay ka dhigteen xeryo Mulatari aanay ka buuxiyeen  noocyada Miinooyinka kale duwan  sidda ANTI TANK, hadaba waxa hawlo shaqo ka fulinaaya waddaasi Haayada HALO TRUST  taasi oo ah laba dhinac oo kale ah ka nadiifinta Miinooyinka iyo walxaha qarxa  iyo iyada oo ay daba socoto cagafcagaftii banaynaysay  waddada.

 

Ugu horayn waxa halkaasi ka hadlay Gudoomiyaha Arabsiyo Mr. Sitiin waxaanu yidhi Gudoomiyuhu  Allaybaday iyo Arabsiyo ma kala  maarmi karaan waana laba magaalo oo waligoodba  uun ka dhexeeyay  wax wadda qabsi, waxaanu yidhi waxa aan aad ugu mahadnaqayaa cid kasta oo gacan ka gaysatay Hawlaha Wadadan.

Waxa kale oo isna xafladaasi ka hadalay Gudoomiyaha Degmada Allaybaday Mr. Xasan Cabdi Cali ( shahar) wuxuuna hadalkiisii ku bilaabay Mahadnaq uu usoo jeediyay Wasiirka wasaarada Arimaha Gudaha JSL  Mudane C/laahi Ismaaciil Cali ( C/laahi cirro) iyo Suldaan Axmed nuur C/laahi Samaale oo  uu uga mahadnaqay sida ay xilka wayn iskaga saareen siddii ay u qabsoomi lahayd hawshani waddadu, wax kale oo uu intaasi raaciyay waxa aan aad iyo aad ugu faraxsanhay waddadani oo dhib wayn ay ka haystay guud ahaan Deegaanka Allaybaday oo uu isu socodka gaadiidku dhib yahay  xiliyada roobka, waxa kale oo uu yidhi Arabsiyo xaq iyo xuquudii ay ku lahayd Gabiley iyo Allaybaday ka may helin siddaa daraadeed waxa ay istaahishaa in ay noqoto Xarunta Gobolwaynaha Gabiley sobobtoo ah Arabsiyo waxa ay ku taalaa ayuu yidhi meel istaraatajiya siddaa daraadee anigu waxa aan ka shaqayn doonaa siddii aan ugu dhaadhicin lahaa  dhinacyada sidii ay u noqon lahayd Arabsiyo Xaruntii Gobolwaynaha Gabiley ayuu yidhi Gudoomiye Xasan.

Ugu danbayntii waxa uu u mahad naqay Haayadan fulinaysa oo ah Hallo Trust  iyo cidkasta oo gacan  ka gaysatay, waxa kale oo uu kusoo dhaweeyay cid kasta oo rabta in ay gacan kagaysto guddo iyo dibadba,isaga oo waliba  sigaara farta ugu fiiqay jaaliyadaha reer Somaliland ee kazoo jeeda Degmadan Allaybaday.

Ugu danbayntii waxa isna halkaasi ka hadlay Suldaan Axmed C/laahi samaale oo yidhi waxa aan ku faraxsanahay hawsha laga waddo waddadani isaga oo ka sheekeeyay taariikhdii wadadan iyo sidda ay Muhiimka ugu tahay Gobolwaynaha Gabiley iyo Dalka intiisa kaleba waxaanu u Mahadnaqay Haayada Hallo Trust oo uu sheegay in ay si wanaagsan oo dhago nuglaan ah iiga aqbalay codsigaygii ayuu yidhi suldaanku, dhanka kale waxa uu Suldaan Axmed nuur  ka hadlay oo uu usoo jeediyay dadka Deegaanka in ay noqdaan kuwo wax lasoo baxa maadaama oo ay aduunka ka jiraan Sixir barar iyo cunto la’aan baahsani,waxa kale oo yidhi waxa aan usoo jeedinayaa qurba jooga reer Somaliland iyo dawladba in ay taageeraan waxsoosaarka beeraha si isku filaansho loo gaadho ayuu hadlkiisii kusoo gabagabeeyay Suldaanku.

Waa markii labaad ee mudo 3 sanno ahi Haydan wadanigi ay miidho baaddhis iyo wado banayn ka samayso gobalweynaha Gabiley, gaar ahaan Degmada Allaybaday.

Suldaanka Guud ee Degmada Allaybaday  Suldaan Ahmed A/lahi SAMAALE, maamulka Degmada Alllaybaday, odayaasha, qurbo joogta iyo dhamaan waxgaradka Allaybaday waxay in mudoba wadeen sidii jid laamiya loogu helilahaa Degmada Allaybaday, arintaas oo aan wali guul la taaban garo laga gaadhin.

Dhinaca kale waxaa jira dedaal balaadhan oo uu horkacaayo Suldaanka Degmada Allaybaday Suldan SAMAALE, Gudoomiyashaa degmooyinka: ARABSIYO, ALLAYBADAY, FARAWEYNE, DAARA-SALAAM, CALI-XAYDH, TOGWAJAALE iyo degaanka XEEBTA gobolka, sidii horemarin weyn loogu samayn gobolweynahay cusub ee GABILEY,  caasimadna looga dhigaayo magaalada ARABSIYO.

 

 

Wariyaha UHWA : ISMAIL ABDI MUXUMED (Hilqad)

DEGMADA ALLLAYBADAY , SOMALILAND

Telefon: + 2522357702 (Telecom, Allaybaday)

Email: hilqadm@hotmail.com

 

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: